Молитва Богородице Всех Скорбящих Радосте

В рубрике: Молитвы

О, всемилостивая Госпоже Дево, Владычице, Богородице! Услыши нас, молящихся Тебе, и яви милость Твою на людях Твоих: моли Сына Твоего избавиться нам от всякого зла, и сохрани град наш и всяку страну верных и люди, благочестно прибегающия и призывающия имя Твое святое, от всякия напасти, губительства, гада, труса, потопа, огня, меча, нашествия иноплеменников и междуусобные брани, от всякия болезни, и всякого обстояния, да ни ранами, ни прещением, ни мором, ни всяким праведным гневом Божиим умалятся рабы Твоя; но соблюдай и спасай милостию Своею, Госпоже, за нас молящихся, и полезное благорастворение воздуха ко времени плоднаго приношения нам даруй; облегчи, возстави и помилуй, премилостивая Владычице, Богородице, препетая, во всякой беде и нужде сущая; помяни рабы Твоя и не презри слез и воздыханий наших, и обнови нас благодатию Своея милости, да со благодарением утешаемся, обретше Тя Помощницу.

Молитва Богородице Всех Скорбящих Радосте
Иисус Христос.

Умилосердися, Госпоже Пречистая, на немощныя люди Твоя, надежда наша: разсеянные собери, заблудшия на путь правый настави, отпадшия от благочестия оте-ческия веры паки возврати, старость поддержи, юные накажи, младенцы воспитай и прослави славящия Тя, изряднее же Церковья Сына Твоего соблюди и сохрани в долготу дней. Ты бо еси, Госпоже, слава небесных и упование земных. Ты наша надежда и заступница всех притекающих к тебе и Твоея святыя помощи просящих: Ты Молебница наша теплая к Сыну Твоему и Богу нашему; Твоя молитва много может на умоле-ние Владыки, и Твоим предстательством к престолу благодати пресвятых и животворящих Его тайн приступати дерзнем, аще и недостойни. Тем же святым образ Твой и Твоею рукою держимаго Вседержителя, видяще на иконе, радуемся грешнии, со умилением припадающе и лю-бовию сей целуем, чающе. Госпоже, Твоими святыми молитвами дойти небесныя, бесконечныя жизни и непостыдно стати в день суденый одесную Сына Твоего и Бога ношего, славяще Его купно со безначальным Отцем, Пресвятым, благим и животворящим Духом во веки веков. Аминь.

Метки: